Во понеделник, на 11ти ноември годинава, ќе имаме можност, до колку времето биде убаво и ведро, да видиме еден редок астрономски настан, а тоа е транзитот на планетата Меркур преку дискот на Сонцето. Тој настан не се случува така често. Претходниот се случи во 2016та, а следниот ќе биде дури во 2032ра година. Транзитот може да се случи само на внатрешните планети како што се Меркур и Венера. Кај Венера имаме транзити кои се случуваат во парови на секои осум години, па потоа ги нема преку 120 години, додека кај Меркур ти се почести и во едно столетие ги има 13 или 14.
Транзитот на Меркур снимен 2016та . Автор: Горан Петров
Од Скопје, а речиси и во цела Македонија транзитот ќе отпочне во 13:35ч, но тешко дека ќе се види нешто се додека Меркур со целиот свој диск навлезе во дискот на Сонцето, а тоа ќе биде околу 2 минути подоцна. Целиот настан ние би требало да го гледаме додека не зајде Сонцето – околу 16:30ч. Но поради тоа што од Скопје немаме идеален хоризонт, поради зградите и планините, најверојатно ќе можеме да го гледаме транзитот до околу 16ч. До колку времето биде убаво, телескопот на Скопското Астрономско Друштво ќе биде поставен на Плоштадот Македонија.
Транзитот на Меркур снимен 2016та. Автор: Радан Митровиќ
На истиот ден на 11ти, но и на 12ти ноември, Скопското Астрономско Друштво планира да има и две предавања во планетариум од 19 и 20ч, каде на почетокот би имале кратка презентација за транзитот на Меркур преку Сонцето, а потоа би имале интересна презентација на ноќното небо и приказни за соѕвездијата и како може да се патува низ времето и просторот користејќи ги ѕвездите и соѕвездијата.
Сцена од предавањето во планетариум.
Повеќе информации за предавања во планетариум можете да видите тука.
Радан Митровиќ
