Хајабуса 2 Стигна на астероидот Рјугу на 27 јуни. Од тогаш одржува растојание од 20km додека контролерите на Земјата ги проверуваат инструментите. На крајот на јули вселенското летало ќе започне да се спушта на височина од само 5km за да изврши обсервации на средна височина. Проектот беше тивок неколку недели, но JAXA (Јапонска Aгенција за Аеровселенско Истражување) објави нови материјали. За почеток две нови глобални глетки од кои втората во фокусот го има светлиот објект на северниот пол на астероидот.
Глобален поглед 1 на Рјугу виден од телескопската оптички навигациона камера (ОНЦ – Т) на Хајабуса 2 на растојание од 20km. Сликата е направена во 23:13 јапонско стандардно време на 30 јуни 2018 год. и е од спротивната страна на глобален поглед 2.
Глобален поглед 2 на Рјугу виден од телескопската оптички навигациона камера (ОНЦ – Т) на Хајабуса 2 на растојание од 20km. Сликата е направена во 19:21 јапонско стандардно време на 30 јуни 2018 год. и е од спротивната страна на глобален поглед 1.
Еве и ротациона анимација за кое ќе ви требаат црвено-сини 3Д очила:
Рјугу глобална 3Д анимација склопена од слики направени на растојание од 40km на 23 Јуни 2018 год. Кога ја гледате низ црвено-сини 3Д очила поставете го синиот филтер врз десното око.
За крај на unmannedspaceflight.com Роман Ткаченко ги искористи новите податоци да направи надграден модел на обликот на Рјугу.
„Не е перфектен, но подобар е од ништо.“ вели тој.
Превод: Максим Осман-Николов
Извор: Planetary Society
