![л10](https://astronomija.mk/wp-content/uploads/2019/08/67276628_10217761077395175_7159342747332116480_o-300x127.jpg)
Ливада каде се поставуват телескопи на Летенка
Овогодишната астрокамп Летенка, немаше баш добар избор на датум за самото одржување. Имено, поради обврските на организаторите како и поради слободното место во спортскиот центар Летенка, каде и се одржува астрокампот, беше одржан во период со речиси полна Месечина. Другиот проблем беа и временските услови. Имено, само првата вечер времето беше колку толку ведро, додека другите две скоро и да не можеше да се набљудува.
![л2](https://astronomija.mk/wp-content/uploads/2019/08/2019-07-12-17.36.13-300x199.jpg)
Доаѓање на Астрокампот на Летенка
Нашето друштво овој пат испрати двајца членови претставници – Борче Милчевски и Радан Митровиќ. Со себе го носевме и најновиот телескоп, Скајвочер Старгејт 450. Посебен интерес се јави за тој телескоп на Летнка и беше и најавен неколку недели пред да дојдеме. За жал имавме можеби околу 3 часа во втората вечер за набљудување. Ги искористивме максимално што можевеме и набљудувавме воглавно планети и Месечината, кои беа навистина добри. Сиингот беше добар така што уживавме во Големата црвена дамка на Јупитер и во прстените на Сатурн.
![л3](https://astronomija.mk/wp-content/uploads/2019/08/48288901247_41cfba48cb_k-200x300.jpg)
Помош околу местење на новиот телескоп на ливадата на Летенка
Подоцна набљудуваме и неколку од познатите објекти од длабокото небо. Што поради големата Месечина, а што и поради светлинксото загадување – не бевме во можност да овие далечни објекти од длабокото небо ги видиме онака добро како што ги гледавме планетите.
![л5](https://astronomija.mk/wp-content/uploads/2019/08/2019-07-13-13.09.52-300x199.jpg)
Двојац на соништата
Некаде после полноќ моравме да прекинеме со набљудување заради облаците кои го прекрија речиси целото небо над Летенка .
![л4](https://astronomija.mk/wp-content/uploads/2019/08/67559384_10217761079995240_3127480844327845888_o-300x150.jpg)
Наместен телескоп подготвен за набљудување.
Утредента прогноза не беше воопшто добра дури се прогнозираше и дожд, па затоа и го спакуваме телескопот и го ставиме во кола каде е побезбеден од дождот. Прогнозата се оствари и имавме еден пороен дожд кој врнеше повеќе од еден час.
![л6](https://astronomija.mk/wp-content/uploads/2019/08/2019-07-13-14.30.03-300x199.jpg)
Предавања на Летенка се одржуват и дење …
… и ноќе
Но, за Летенка тоа не е некој проблем затоа што има многу предавања кои можат да се слушнат, како и да се ужива во гастрономските активности кои ги приредија домаќините. Имавме можност да пробаме исклучително добар гулаш од Војводина кој го подготвил Јарослав Грња познатиот и долгогодишен гастро/астроном.
![л8](https://astronomija.mk/wp-content/uploads/2019/08/2019-07-13-15.12.19-300x199.jpg)
Ла Летенка со години работи и мобилна книжара каде може да се купат научна литература и белитристика
![л9](https://astronomija.mk/wp-content/uploads/2019/08/2019-07-13-15.51.05-300x199.jpg)
Гастрономки специјалитети. Гулаш а ла Јаро
И тоа би било се за овогодишната Летенка. Многу добри предавања од професори, но и од аматери астрономи. Многу добро дружење и телескопски разговори како и секоја година. Времето баш не ни одеше на рака, но се друго си беше она што од Летенка и се очекува. Догодина е 20години на Летенка и се надевам дека ќе ја посетиме во поголем број на членови од нашето друштво.
![л11](https://astronomija.mk/wp-content/uploads/2019/08/2019-07-13-17.11.36-300x199.jpg)
Пороен дожд за време на астрокамп
![л12](https://astronomija.mk/wp-content/uploads/2019/08/2019-07-14-10.59.46-300x199.jpg)
Поздрав со пријатели од астрокампот.
![л13](https://astronomija.mk/wp-content/uploads/2019/08/2019-07-14-11.02.16-300x199.jpg)
Одиме за да се вратиме. Се гледаме на Летенка 2020
Сликите се од Александар Зоркиќ, Никола Косановиќ, Јарослав Грња и Марко Савиќ
Радан Митровиќ