Иако од почеток не навестуваше, сепак овогодишениот астрокамп стана најмасовниот којшто го има организирано Скопското астрономско друштво во својата историја. 9 автомобили и 32 луѓе е билансот на овогодишниот астрокамп во Коњско.
![Панорама од погледот од нашиот камп](https://astronomija.mk/wp-content/uploads/2014/09/Slika-19-panorama.jpg)
Панорама од погледот од нашиот камп
Верувам дека на многумина ќе им останат во убаво сеќавање овие три дена и три ноќи и дека најголемиот број од нив ќе дојдат и до година. Покрај подготовките за астрономскиот дел од кампот, паралелно се одвиваа подготовки за гастрономскиот дел, а претседателот со првата дама ни подготвија одличен квиз. Имавме и неколку предавања поврзани со астрономија и јога вежби.
![Групна нормална](https://astronomija.mk/wp-content/uploads/2014/09/Slika-25-Grupna-normal.jpg)
Групна нормална
![Групна (не)нормална](https://astronomija.mk/wp-content/uploads/2014/09/Slika-26-Grupna-nie.jpg)
Групна (не)нормална
Во гастромско-забавниот дел, главен и одговорен беше Виктор кој по реакциите на учесниците заврши одлична работа со подготвување на разни специјалитети со печурки од неколку вида. Подготовката на коктели исто така изгледа дека е специјалност на Виктор.
![Шеф на кујна](https://astronomija.mk/wp-content/uploads/2014/09/Slika-01-Shef-Kuhinje-168x300.jpg)
Шеф на кујна
![Кој истовремено има функција и на шеф на барот](https://astronomija.mk/wp-content/uploads/2014/09/Slika-02-Shef-Bara.jpg)
Кој истовремено има функција и на шеф на барот
Колку што можев да забележам, Томи пак беше главен околу скарата. Во комбинација на скарата со коктелите и одлични гласовни способности на Томи и Марија и инструментите на Филип, забавата траеше до доцна во ноќта.
![Лево: шеф на скара. Десно: шеф на оркестар.](https://astronomija.mk/wp-content/uploads/2014/09/11.jpg)
Лево: шеф на скара. Десно: шеф на оркестар.
Преку ден главно имавме слободни активности на плажа и езеро.
![На езеро](https://astronomija.mk/wp-content/uploads/2014/09/Slika-10-1-Na-ezero.jpg)
На езеро
![На плажа](https://astronomija.mk/wp-content/uploads/2014/09/Slika-10-na-plazha.jpg)
На плажа
Маја на заинтересираните и што е уште поважно, оние што беа будни во раните утрински часови, им одржуваше часови по јога.
![Slika-05-Joga-1](https://astronomija.mk/wp-content/uploads/2014/09/Slika-05-Joga-1.jpg)
Ранобудниците вежбаат јога
![Slika-06-Joga-2](https://astronomija.mk/wp-content/uploads/2014/09/Slika-06-Joga-2.jpg)
Поздрав на сонцето, ѕвездите или само обично јога-истегнување. Маја помагај за опис на сликава.
Десет луѓе со два чамци отидоа да го посетат островот Голем град.
![Екскурзија до Голем град](https://astronomija.mk/wp-content/uploads/2014/09/Slika-07-Exkurzija.jpg)
Екскурзија до Голем град
![Островот Голем град на Преспанското езеро](https://astronomija.mk/wp-content/uploads/2014/09/Slika-08-Golem-grad.jpg)
Островот Голем град на Преспанското езеро
![Пеликани и корморани](https://astronomija.mk/wp-content/uploads/2014/09/Slika-09-pelikan.jpg)
Пеликани и корморани
Во вечерните часови покрај гастро, имаше и астро-активности. Фросе држеше предавање од астрофотографија, јас држев предавање за астрохопинг, а Мартин за Меѓународната вселенска станица.
Марија со мала помош на Мартин направи одличен квиз во кој земаа учество 8 тимови.
![Квиз-мајстори](https://astronomija.mk/wp-content/uploads/2014/09/Slika-18-Kviz-Majstori.jpg)
Квиз-мајстори
По завршување на квизот беа доделени награди, каде покрај интересните беџови беа доделени и ротирачки астрокарти, како и неколку астро-постери и астрономски списанија од странство.
![Наградите баш ни се супер](https://astronomija.mk/wp-content/uploads/2014/09/Slika-27-Nagradi.jpg)
Наградите баш ни се супер
![Победници на квизот](https://astronomija.mk/wp-content/uploads/2014/09/Slika-13-Kviz-Pobednici.jpg)
Победниците на квизот
Беа доделени и награди за ангажман во подготвување на забави, за перспективен набљудувач и за најактивен нов член. Тие награди ги освоија Виктор, Дане и Маја, соодветно.
![Најнабљудувач - Дане!!!](https://astronomija.mk/wp-content/uploads/2014/09/Slika-14-Naj-nabljuduvach.jpg)
Најнабљудувач – Дане!!!
![The Party Man!](https://astronomija.mk/wp-content/uploads/2014/09/Slika-15-Party-man.jpg)
The Party Man!
![Нашата јога инструкторка](https://astronomija.mk/wp-content/uploads/2014/09/Slika-16-za-aktivnost-vo-kampot.jpg)
Нашата јога инструкторка Маја
![Сите заедно + Луси (кучето)](https://astronomija.mk/wp-content/uploads/2014/09/Slika-17-Dobitnici-na-nagradi.jpg)
Сите заедно + Луси
Во делот за набљудување поставивме два телескопи и двоглед. Двогледот на Искра одлично ја заврши својата работа и морам да ја издвојам глетката на заоѓање на маглина Лагуна зад ридот. Дане на Орионот од 6-инчи се покажа во одлично светло и мислам дека полека, но сигурно, сериозно навлегува во стархопингот.
Најактивен сепак беше големиот добсон телескоп и во две од трите вечери ни покажа многу интересни објекти. Би ги издвоил Плутон, сателитиот на Нептун, Тритон и маглината Череп. Беа набљудувани и многу други објекти: од двојни ѕвезди до најдалечни галаксии и разни маглини.
Додека набљудувавме со телескоп видовме и многу силен метеор кој за среќа Софија го улови со својот фотоапарат.
![Метеорот! Авторски права: Софија Спировска](https://astronomija.mk/wp-content/uploads/2014/09/Konjsko_20140823_031003100031.jpg)
Метеорот! Авторски права: Софија Спировска
Фросина пак направи исклучително убава фотографија на Млечниот пат која сериозно конкурира за најастрофото за оваа година.
![WoW фото! Авторски права: Фросина Илиевска](https://astronomija.mk/wp-content/uploads/2014/09/Slika-23-wow-fotka.jpg)
WoW фото! Авторски права: Фросина Илиевска
Александар за сега ни прати само една фотографија од стартаил, но се надевам дека наскоро ќе видиме и други фотографии.
![Star trail од Коњско. Авторски права: Александар Алексов](https://astronomija.mk/wp-content/uploads/2014/09/Slika-28-Star-trail-Alexov.jpg)
Star trail од Коњско. Авторски права: Александар Алексов
Томи и Мартин имаа некој проблеми со фотосетапот, па затоа направија само една фотографија од М27 која очекуваме да ја видиме што е можно поскоро. За новата камера набавен е и нов ладилник кој Томи успешно го инсталира во Коњско и камерата би требало да овозможи независност на работа од мрежна струја, односноќе работи само на акумулаторските батерии. Наскоро очекуваме и слики од Сонцето и неговите протуберанции.
![Астрофотографите ја монтираат камерата](https://astronomija.mk/wp-content/uploads/2014/09/22.jpg)
Астрофотографите ја монтираат камерата
Потоа дојде време да си заминеме.
![Не им се одеше, ама некој мора да работи...](https://astronomija.mk/wp-content/uploads/2014/09/Slika-20-Ne-im-se-odeshe-e1409953318202.jpg)
Не им се одеше еден ден пред сите, ама некој мора да работи…
![Лансирање за збогум на уште еден прекрасен камп](https://astronomija.mk/wp-content/uploads/2014/09/Slika-21-lansiranje-199x300.jpg)
Лансирање за збогум на уште еден прекрасен камп
Толку за овој општ извештај за тоа како си поминавме оваа година во Коњско, а кога ќе ги комплетираме останатите астофотографии, ќе ги објавиме на нашата страна и на социјалните мрежи.
Текст: Радан Митровиќ