НАСА објави дека се откриени 1284 нови планети. Ова е најмногубројното откритие на егзопланети досега и истото двојно го надминува бројот на веќе утврдени вонземски светови од страна на телескопот Кеплер.
Напредокот е навистина исклучителен ако се земе во предвид дека пред само неколку декади немавме ниту една позната планета надвор од границите на нашиот систем. Откритието се смета за 99% точно и уште поинтересно е тоа што во овој примерок има стотина кандидати кои наликуваат на Земјата, односно нивниот состав и големина се слични со нашата планета.
Прикажано е кои од новите планети слични на Земјата се наоѓаат во поволната зона за живот околу своите ѕвезди. Портокаловите се новооктриените планети, додека пак со сина боја се веќе познатите кандидати. Извор: НАСА/Кеплер мисија.
Откако Кеплер беше лансиран во 2009-та година научниците почнаа да дознаваат колку е честа појавата на егзопланети низ галаксијата. Кратко потоа, можевме да потврдиме и дека скоро секоја од ѕвездите има свој планетарен систем околу себе. Подоцна, поради сериозни дефекти кои ја загрозуваа мисијата на Кеплер, во 2014 година леталото ја започна својата новомодификувана, продолжена мисија наречена К2. За време на првичната мисија Кеплер успеа да откие над 4000 кандидати за егзопланети, над 1000 потврдени планети од кои 12 се како Земјата и нивните орбити се во зоната поволна за живот.
Графикот ги прикажува големините на новооктриените планети. Голем дел се помали од Нептун и спаѓаат во групата на планети слични на Земјата или пак т.н. супер-Земји. Извор: НАСА/Кеплер
Превод: Михаела Стојанова
Извор: futurism.com
