НАСА го слави 30от роденден на вселенскиот телескоп Хабл со откривајќи неверојатен нов портрет на огнено ѕвездораѓање во соседна галаксија, Големиот Магелански Облак оддалечена 163,000 светлосни години. Сликата наречена „Космички гребен“, затоа што наликува на подморски свет, се состои од џиновската црвена маглина (NGC 2014) и нејзиниот помал син сосед (NGC 2020).
Пред триесет години, на 24 април 1990 година, од Вселенскиот центар Кенеди, Хабл беше лансиран во вселенскиот шатл Discovery во придружба на 5 астронаути. Стациониран во орбитата наредниот ден, Хабл ни отвори нов видик кон Вселената што ја трансформираше нашата цивилизација.
[Во овој портрет на Хабл, џиновската црвена маглина (NGC 2014) и нејзиниот помал син сосед (NGC 2020) се дел од огромниот регион на ѕвездена формација во Големиот Магелански Облак. Сликата е наречена „Космички гребен“, бидејќи наликува на корален гребен како лебди во огромно море на sвезди. Заслуги: НАСА, ЕСА и СТСЦИ]
Без замаглувачката атмосфера на Земјата, вселенската опсерваторија го открива универзумот со невидена кристално чиста острина низ широк спектар на бранови должини, од ултравиолетова до близу инфрацрвена светлина.Телескопот Хабл досега има направено неверојатни 1.4 милиони фотографии, а едни од неговите најдобри достигнувања вклучуваат: мерење на брзината на ширење на универзумот; откритието дека црните дупки се честа појава во галаксиите; карактеризиција на атмосферата на егзопланетите; мерење на временските промени на нашите соседи во Сончевиот систем; и хроника на раѓањето и еволуцијата на ѕвездите и галаксиите.
Долготрајноста на Хабл може да се припише на пет мисии за сервисирање, од 1993 до 2009 година, во кои астронаутите го надградија телескопот со напредни инструменти, нова електроника и направија поправки. Преподобната опсерваторија, со својот пакет на фотоапарати и други инструменти, се очекува да остане во функција во 2020-тите, во соработка со претстојниот вселенски телескоп Џејм Веб.
Превод: Бојана Стефаноска
Извор: nasa.gov
